Қазірден бірқатар орталық науқастарды қабылдауға дайын. Олар жаттығу құрылғыларымен қамтылып, арнайы мамандармен толыққан. Науқастарды ортаға бейімдеу аймақтағы 30 медициналық ұйымға жүктеледі. Бүгінде облыс тұрғындарының 84% сақтандырылған. Ал жартысына жуығы сақтандыру жарнасын төлеуден босатылды. 15 әлеуметтік санатқа кіретіндер үшін төлемді мемлекет жасайды.
Марат Шоранов, «Әлеуметтік медициналық сақтандыру қоры» ҰАҚ басқарма төрағасының орынбасары:
- Бұған дейін оңалтуды қажет ететін адамға уқалаушы кісіні жалдап, ақша шығындауға тура келетін. Енді бұл науқастар медициналық сақтандыру аясында дәрігерлік көмекпен барынша қамтылады. Жалпы оңалтудың 3 түрі болады. Біріншісі – оңалту қызметін стационарда алу. Екінші кезеңі – оның тәулік бойғы қолжетімділігі. Үшінші деңгей – күндізгі стационардағы амбулаторлы оңалту.
