Бүгін бұл жайында Денсаулық сақтау министрі Елжан Біртанов мәлімдеді. Дегенмен сақтықта қорлық жоқ. Қазақстан коронавирустан қорғанысты күшейтіп, Үкімет резервінен қосымша 1,5 млрд теңге бөлді. Бұл жайында Премьер-министрдің орынбасары, Үкімет жанынан құрылған арнайы комиссияның жетекшісі Бердібек Сапарбаев мәлімдеді. Оның айтуынша, бұл қаржыға қосымша құралдар, маскалар, тағы да керек заттар сатып алынбақ.
Бердібек Сапарбаев, ҚР Премьер-Министрінің орынбасары:
- Оның үстіне өзіміздің қорымыз да, жергілікті жерлерде берілетін көмек бар. Яғни көмекті немесе медициналық қолдауды қажет ететін азаматтар болса, оған біздің қаржымыз да, мүмкіндігіміз де бар.
