12:10Эфирде: «31 бөлімше» телехикаясы
13:00Әрі қарай: Новости
+7 (7172) 757 540
astananews@khabar.kz

Референдум-2022: Түркиядағы отандастарымыз дауыс беруде

  • Категория: Әлемде
Референдум-2022: Түркиядағы отандастарымыз дауыс беруде

Шет елдерде де азаматтарымыздың дауыс беріп жатыр. Ол үшін әлемнің 50-ден астам мемлекетінде 65 референдум учаскесі ашылған.

Меруерт Қанағат, тілші:

- Туыстас Түрік елінде үш референдум учаскесі жұмыс істеп тұр. Олар – дипломатиялық миссия өкілдіктеріміздің жанында ашылған Анкарадағы № 286,  Ыстамбұлдағы № 255 және Анталиядағы № 296 учаскелер. Жалпы Анадолыдағы референдумға қатысуға құқылы отандастарымыздың басым бөлігі – осында білім алушы жастарымыз, дипломатиялық миссия мен халықаралық ұйым өкілдері және туристер. Сондай-ақ Түркия халықаралық жиындардың мекені екені белгілі. Сондықтан бұл күндерде еліміздің бірқатар қоғамдық қайраткері, көрнекті өкілі осында жүр. Жалпы Түрік университеттерінде 3 мыңға жуық студент білім алады. Олар қалаларына ең жақын референдум учаскелерінде дауыс бере алады. Жастардың арасында алғаш рет дауыс бергендер де бар.

Мирас Қыдырма, дауыс беруші:

- Мен жақында 18-ге толдым және алғаш рет дауыс бердім. Себебі бұл – халқымыздың тағдырын айқындайтын тарихи оқиға.

Мұнда да референдум учаскелері жергілікті уақытпен таңғы сағат 7-ден кешкі сағат 20:00-ге дейін істейді. Айта кетейік, Анкарадағы уақыт Нұр-Сұлтаннан 3 сағатқа кері. Сондықтан осындағы референдумның нәтижесі Нұр-Сұлтан уақытымен 23:00-ден кейін белгілі болмақ.

Сондай-ақ...