Құтқарушылар миссиясын аяқтады

Мемлекет басшысының тапсырмасымен Ауғанстандағы жер сілкінісінен кейін көмекке аттанған Төтенше жағдайлар қызметінің 45 құтқарушысы, аталған елдегі өз миссияларын тәмамдады. Ауған еліндегі құтқару жұмыстары барысында мерт болған 1 баланы үйінділер арасынан шығарып, 80 жергілікті тұрғынға, оның ішінде 11 балаға медициналық көмек көрсетті. Сондай-ақ біздің құтқарушылар қирап қалған 211 үйдің үйінділерін тазалап, Наиброфи елді мекенінде 700-ден астам бүлінген үйдің учаскелерін тексеріп шықты.