Семейде қарағайды заңсыз кескен қала тұрғыны ұсталды

28 жастағы бұрын сотталған азамат қала іргесіндегі ормандағы екі жас ағашты кескен. Бұл құқықбұзушылықты табиғат сақшылары дер кезінде байқап, оқиға орнына жетті. Өз әрекетін қаскөй: «Жұмыссызбын, шырша алуға ақшам жоқ», – деп түсіндірген. Полицейлер: «Жыл басынан бері осындай 12 оқиға тіркелді», – дейді.

Бауыржан Ыдрышев, ҚПБ табиғат қорғау қызметінің инспекторы:

- Осы екі ағашты ол Жаңа жыл мейрамында өз үйіне, балаларына, отбасына арнайы кескен. Осы жылы өткен жылмен салыстырғанда ағаш кесу фактілері көбейді. Семей қаласы бойынша 5 үлкен сату орындары тексеріліп, оның ішінде біреуінің құжаттары дұрыс болмай, 38 шыршасы алынып, кейін дұрыс болғандықтан, қайта иесіне қайтарылды.