Үкімет резервінен Жезқазған қаласының жылу желілерін қайта жаңғыртуға 2,8 млрд теңгеден астам қаржы бөлінді. Тиісті қаулыға Премьер-Министр Олжас Бектенов қол қойды. Бұл қаржы осыдан бірнеше жыл бұрын басталған жобаны аяқтауға және жылу желілерін қысқы маусымға сапалы дайындауға мүмкіндік береді. Жалпы Жезқазған қаласының жылу желілерінің ұзындығы 400 шақырымға жуық. Оның 50% астамы тозған.
