Хабар телеарнасы

Қызылорда облысында 40 ауылдың әкімі сайланады

Кей шалғай ауылдарда жылжымалы сайлау жәшіктері арқылы дауыс беру ұйымдастырылмақ. Жалпы Сыр өңіріндегі барлық ауданда ауыл әкімдерін сайлау науқаны өтеді. Мәселен, Шиелі ауданының тұрғындары 4 ауылдық округтің әкімін таңдайды. Осы ауданның Майлытоғай ауылында сайлау өтеді. Мұнда 130 үй, 750-дей тұрғын бар. 368-і сайлауға қатыса алады. Облыста орта есеппен бір орынға 3-4 кандидат тіркелген. Үміткерлердің құжаты арнайы тексеруден өтуде. Арал және Қазалы аудандарының шалғай елді мекендерінде жылжымалы сайлау жәшіктері арқылы дауыс беру ұйымдастырылады.

Ғалым Баймырзаев, облыстық сайлау комиссиясының төрағасы:

- Қазіргі таңда 135 кандидаттың сәйкестігі келді. 17 адам, оның ішінде 10 адамның сәйкестігі келмегені және 7 кандидат өзін-өзі алып тастау өтінішіне сәйкес алынып тасталды.