Риддердегі жылу желілерін жөндеуге ₸2,4 млрд-тан астам қаражат бөлінді
Үкімет Риддер қаласындағы жылу желілерін күрделі жөндеуден өткізу үшін резервтен 2 миллиард 400 миллион теңге бөлді. Бұл тұрғындарды әбден мезі еткен жылу мәселесін түбегейлі шешуге үлкен сеп болмақ. Қазір жылу желілерін жөндеу басталып та кетті.
Ал Жезқазған қаласындағы жаңа ықшам ауданға кәріз желілерін, су құбыры мен жылу желісін салу үшін Үкіметтен 4 млрд 800 млн теңгеден астам қаржы бөлінетін болды. Қазір аталған аумақта тұрғын үйлер мен бірқатар әлеуметтік нысан құрылысы басталды.