Итбалық неден қырылды?

Каспий итбалықтарының қырылуына қатысты жүргізілген зерттеудің алдын ала қорытындысы жарияланды.

Гидробиология және экология институтының қызметкері Әсел Баймұқанова әлеуметтік желідегі жазбасында бұл жағдайға эпидемия себеп болмағанын айтады. «Олардың өліміне - жер сілкінісі, табиғи газ шығуы, теңіз аймақтарының ластануы әсер етуі мүмкін. Егер эпидемия болса, итбалықтар жаппай бір жерде қырылатын еді», - дейді эколог.

Еске салсақ, 27-30 қазан аралығында Баутино жағажайынан 300-ден астам итбалықтың өлексесі табылды. 5 қарашада тағы 121 теңіз жануары өлген. Бірлескен жұмыс тобы аналық итбалықтардың буаз екенін анықтаған. Теңіз сүтқоректілерінің ағзасы мен азу тістерінен алынған сынама қорытындысы әлі шыққан жоқ.