Мемлекет басшысының тапсырмасымен өңірлерде әлеуметтік нысандар, логистикалық және инженерлік инфрақұрылым желілері салынып жатыр. Бурабайда халықаралық деңгейдегі көпфукционалды конгресс-орталықтың құрылысы басталды. Жетісу облысында 4 ауылға табиғи газ құбыры тартылып, Жайпақ және Сарыөзек теміржол стансалары жаңғыртылды. Ал Көкшетауда жаңа мектеп ашылды. Сонымен қатар Алматы, Ақмола, Түркістан облыстары мен Шымкентте баспана кезегінде тұрған отбасылар көптен күткен қоныс тойын атап өтті.
