+7 (7172) 757 540
astananews@khabar.kz

Наталья Годунова мен Ғалымжан Пірматов Президентке есеп берді

  • Категория: Саясат
Наталья Годунова мен Ғалымжан Пірматов Президентке есеп берді

Есеп комитетінің төрағасы Наталья Годуновамен болған кездесуде Мемлекет басшысына Ұлттық қордан бөлінген мақсатты трансферттер бойынша жүргізілген аудиттің алдын ала қорытындылары жөнінде есеп берілді.

Аталған аудит аясында жалпы құны 290 миллиард теңге болатын 20 нысан қамтылған. Сондай-ақ Ұлттық қордан әр түрлі бағытқа бөлінген 2,2 триллион теңге қаржының жұмсалуына қатысты да талдау жасалған. Президент Есеп комитетін Жоғары аудиторлық палата ретінде қайта құру мәселелеріне қатысты тапсырма берді.

Сондай-ақ Президент Ұлттық банк төрағасы Ғалымжан Пірматовты қабылдады. Мемлекет басшысына Ұлттық банктің 2022 жылдың қаңтар-мамыр айларындағы ақша-несие саясатының алдын ала қорытындысы жөнінде есеп берілді. Бұған қоса сыртқы және ішкі нарықтардағы ахуал, инфляцияға қатысты болжам және оның қарқыны, сондай-ақ алтын-валюта резервтерінің жай-күйі туралы мәлімет берілді.

Кездесу соңында Қасым-Жомарт Тоқаев ақша-несие саясатын тиімді жүзеге асыруға, инфляцияны ұстап тұруға және қор нарығының тиімділігін арттыруға бағытталған бірқатар міндет жүктеді.

Сондай-ақ...