18:15Эфирде: «Тихое место» кино
+7 (7172) 757 540
astananews@khabar.kz

Мемлекет басшысы бірқатар мемлекеттің елшісінен сенім грамоталарын қабылдады

  • Категория: Саясат
Мемлекет басшысы бірқатар мемлекеттің елшісінен сенім грамоталарын қабылдады

Въетнам, Португалия, Армения, Чили және Жаңа Зеландияның Төтенше және өкілетті елшісі Қазақстан Президентіне сенім грамотасын табыстады.

Осылайша, бес мемлекеттің өкілі еліміздегі дипломатиялық миссиясына ресми түрде кірісті. Өз міндеттерін орындау барысында елшілерге Президент Әкімшілігі мен Қазақстан Үкіметі жан-жақты қолдау көрсетеді. Солай деген Мемлекет басшысы дипломаттарды құттықтап, жұмыстарына табыс тіледі.

Қасым-Жомарт Тоқаев, Қазақстан Республикасының Президенті:

- Қазақстан Вьетнаммен арадағы саяси диалогты және сауда-инвестициялық байланысты кеңейтуге мүдделі. Вьетнам президентінің Қазақстанға мемлекеттік сапары екіжақты серіктестіктің ұзақмерзімді жан-жақты жол картасын әзірлеуге мүмкіндік береді деп санаймын. Сондай-ақ Португалия да Қазақстанның Еуропа Одағындағы сенімді серіктесі саналады. Көлік және логистика, ауыл шаруашылығы, энергетика, жаңартылатын қуат көздері, жаңа технологиялар, мәдениет және туризм салаларындағы ықпалдастықты нығайту үшін әлеует жеткілікті.

Сондай-ақ Мемлекет басшысы еліміздің ТМД кеңістігіндегі негізгі серіктестерінің бірі Армения екенін атап өтті. Қос тарап та арадағы көпжылдық ынтымақтастыққа баса мән береді. Қасым-Жомарт Тоқаев: «Шалғай жатқан Чили мен Қазақстанның байланысы да басты назарда», – деді. Себебі бұл елдің мыс алпауыты отандық кәсіпкерлермен серіктестік орнатуға бейіл. Арамыз Жаңа Зеландиямен де жақсы. «Екі елдің қарым-қатынасы өзара сенім мен мызғымас достыққа негізделген», – деді Президент. Өз кезегінде құрметті елшілер де ақжарма ақ тілектерін аяп қалмады. Сәйкесінше арадағы байланысты арттыру үшін аянып қалмақ емес.

Мария Мендеш, Португалияның Қазақстандағы Төтенше және өкілетті елшісі:

- Мен екі елдің қарым-қатынасын одан сайын арттыруға үлес қосатыныма қуанып тұрмын. Қазақстан мен Португалия мызғымас достыққа негізделген байланысты әр түрлі халықаралық алаңдарда дамыта береді. Өз басым арамыздағы алыс-берістің қарқынын үдете түсетін негізгі тетіктерді табуға бар күш жігерімді саламын.

Эдуардо Эскобар Марин, Чилидің Қазақстандағы Төтенше және өкілетті елшісі:

- Қазақстан мен Чили дипломатиялық байланыстың іргетасын 1993 жылы қалады. Келесі жылы берік қарым-қатынастың 30 жылдығын атап өтеміз. Біз осы жылы саяси, сауда, экономикалық және мәдени ықпалдастықты нығайту үшін біраз күш жұмсадық. Біз сондай-ақ екі елдің арасындағы тауар айналымын арттыруға ниеттіміз.

Сондай-ақ...