«AMANAT» сайлауалды штабы Абай облысында сайлаушылармен кездесті

Партия өкілдері семейліктермен бірге қоғамдық көлікте жүріп, халықты мазалаған сұрақтарға жауап берді. Олар тұрғын үй коммуналдық шаруашылығы, жол жөндеу, әлеуметтік нысандар салу сынды мәселелерді талқылады. Мұнан соң автобус паркінде өткен кездесуде жолаушылар тасымалы мәселелері айтылды. Сондай-ақ штаб мүшелері Ядролық медицина және онкология орталығының ұжымымен кездесіп, өңірлердегі медициналық инфрақұрылымды жақсартуға бағытталған шараларды әңгімеледі.