ЖСДП еңбек ұжымымен кездесті

Жалпыұлттық социал-демократиялық партиясының мүшелері үгіт-насихат жұмыстарын жалғастырып жатыр. Олар «Астана су арнасы» мекемесінің қызметкерлерімен кездесті. Жиында ұжым еңбеккерлері, қазіргі таңдағы өзекті мәселелер бойынша пікірлерімен бөлісті. Алаңдатқан сұрақтарын қойып, жауап алды. Шара барысында саяси ұйымның сайлауалды бағдарламасы түсіндірілді. Жалпы партрия белсенділері қазірге дейін 300-ге жуық іс-шара өткізіп, оның санын 500-ден асыруды жоспарлап отыр.

Талғат Омаров, ЖСДП мүшесі:
-Ұжыммен кездестік. Ауыл шаруашылық мәселесін көтердік, экология мәселесі және жастар саясаты мәселесін көтеріп, соның бәрін талқылап, бір ойға келгендей болдық. Өйткені ол кісілер сұрақ қойғанда өз ойымыздан шығады ма, мұның жауабы деген сұрақ қойылады ғой.