18:00Эфирде: Мегахит «Всегда верен»
+7 (7172) 757 540
astananews@khabar.kz

Геннадий Головкин Риота Муратаны нокаутпен жеңді

  • Категория: Спорт
Геннадий Головкин Риота Муратаны нокаутпен жеңді
Фото: sports.kz

Геннадий Головкин жапониялық Риота Муратадан басым түсіп, екі чемпиондық белбеуін қорғап қалды.

9-раундта жапон боксшысы рингте құлап, оның командасы шаршы алаңға ақ орамал лақтырды.

Алғашқы раундтарда екі боксшы тең дәрежеде бокстасқанымен, төртінші раундтан бастап Головкин соққыларды үдетіп, басымдықты оз қолына алды. 8-раундта GGG шабуылдар сериясына көшіп, Мурата қорғанумен болды. Ал 9-раундта Головкиннің қатты соққылары тіпті күшейіп, Муратаның ешқандай шабуыл жасауға мүмкіндігі болмады. Раунд ортасында Мурата рингте тәлтіректеп құлады да, шаршы алаңға ақ орамал тасталды. Ақ орамал — қарсылас тараптың жеңілісті мойындауы.


Головкин жекпе-жектен кейін соңына дейін шыдап баққан Муратаға, жанкүйерлерге, Қазақстаннан арнайы келген фанаттарға, бокс кешін ұйымдастырғандарға алғыс айтты.

Головкин осы жеңісінен соң IBF, IBO нұсқасы бойынша чемпиондық атағын қорғап қалды. Ал Мурата өз иелігіндегі WBA Super белдігін Головкинге берді.