Екі жақ өзара мәмілеге келді. Сот барысында айыпталушы Виталий Ким кінәсін мойындады және жәбірленушіге келтірген шығынды толық өтеді. Естеріңізге салайық, өткен күзде Виталий Ким 70-ке тақаған Анатолий Шевцовты ұрып-соққан еді. 41 жастағы азаматтың әлімжеттігі гараж кооперативінде орнатылған бейнекамера жазбасында анық көрінеді. Сол күні зейнеткердің туған күні болған. Айыпкер теріс қылығы үшін кешірім сұрап, жәбірленушіге 2 млн теңге өтемақы төледі.
Сергей Кассиров, жәбірленушінің қорғаушысы:
- Бұл ақшаны жәбірленуші протез салуға және санаториялық-курорттық емделуге жұмсайды. Ол жабық ми сүйек жарақатын алған және мұрнына қатты зақым келген. Есту қабілетінде де кінарат бар. Сондықтан оған толық емдеу курсынан өту керек.
