Хабар телеарнасы

Мақсат Толықбай «Хабар» арнасында жаңа ток-шоу жүргізеді

Мақсат Толықбай «Хабар» арнасында жаңа ток-шоу жүргізеді

Танымал тележурналист Мақсат Толықбай «Хабар» телеарнасының эфирінде жаңа қоғамдық-саяси ток-шоу жүргізеді.

«Біздің мақсат» деп аталатын бағдарлама - қорытынды жаңалықтардың түбегейлі жаңа, авторлық форматы.

Мақсат Толықбай көрерменге қазақ телевизиясының ауқымды аудиториясына кеңінен танымал болған көптеген қызықты жобамен таныс.

«Біздің мақсат» ақпараттық-сараптамалық ток-шоуында жүргізуші еліміздегі барлық маңызды оқиғалар мен жаңалықтарды халыққа қарапайым тілмен түсіндіретін болады.

Жоба авторларының айтуынша, «Біздің мақсат» әрбір қазақстандықты толғандырған мәселені талқылайтын сұранысқа ие алаң болмақ. Студияға келетін беделді сарапшылар, саясаттанушылар, қоғам қайраткерлері, журналистер өзекті оқиғаларға өздерінің кәсіби бағасын береді.