Қытайда алғаш рет бір тәулікте коронавирустан бірде-бір адам көз жұмған жоқ

Мұндай жағдай індет басталғаннан бері бірінші рет тіркеліп тұр. Коронавирустың ошағы болған Хубэй провинциясында вирусты жұқтырудың жаңа жағдайлары мен өлім тіркелген жоқ. Ауруханадан 59 адам шығарылды, 518 науқас ауруханада жатыр. Айта кетсек, Қытайда эпидемия басталғаннан бері 81 740 адам коронавирус жұқтырды, қазіргі уақытта ауруханаларда 1242 науқас бар. 77 167 адам ауруханадан емделіп шығып, 3331 науқас қайтыс болды.