АЭС су деңгейіне әсер етпейді

Атом электр станциясы Балқашта салынса, ол көл деңгейіне әсер етпейді. Атом энергиясы институты директорының орынбасары осылай дейді. Ерболат Қоянбаевтың айтуынша, реактордың жұмысына қажет су - көл суының 0,3%-і ғана.

Сондай-ақ МАГАТЭ осыдан 28 жыл бұрын АЭС-ті Балқаш көлі маңына салу орынды  деген. Қазір аумақта су деңгейі зерттеліп, 100 жылға болжам жасалып жатыр. Ал АЭС салу, не салмау шешімін қазақстандықтар референдумда қабылдайды. Оған тұрғындардың 60%-і қатысуға мүдделі. Бұл стратегиялық зерттеулер институты жүргізген сауалнама нәтижесі. Оған 17 облыстан 1 200 респондент қатысқан.

Ерболат Қоянбаев, Атом энергиясы институты директорының орынбасары:

- Су бітіп қалады деген ой дұрыс емес қой. Өйткені 0,3 пайыз деген ол кішкентай ғана. Сосын қазірдің өзінде ЖЭС жұмыс істеп тұр ғой. Оның өзі градильнаядан су алады, Ертістің, өзен-көлдердің суын алады. Ол су градильнаядан суиды да, буланады. Одан кейін ол су жаңбыр ретінде жерге қайтып келеді ғой.