Алтын-валюта қорының болашақ үшін маңызы неде?

Мемлекет басшысы валюта бағамын қолдан ұстап тұру тәжірибесінен бас тартқанымызға біраз уақыт болғанын атап өтті. «Нарық факторларына байланысты еркін бағам қалыптастыру жолын таңдадық. Мен теңгені күшейту үшін еліміздің алтын-валюта қорын босқа ысырап ету орынсыз деп санаймын»,- деді Президент.

Еске салсақ, 2024 жылдың қараша айында теңгенің долларға шаққандағы бағамы 500 теңгеден асып кеткен еді. Бұл орайда сарапшылардың пікірі қандай? Алтын-валюта қорының болашақ үшін маңызы неде?

Бауыржан Ысқақов, экономист:

- Алтын ол болашақта өзінің бағасын жоймайтын құнды, бағалы зат болып табылғандықтан, оны біз жинақтап, болашағымызға қарай қалыптастыруымыз керек. Ал қазіргі уақытта экономикаға керектілігі – бұл экономиканы әртараптандыру. Біздің мұнайдан, газдан түсетін табысымыздан гөрі, сол табыстылықты ауыл шаруашылығы саласы, өңдеуші сектор, мұнай-газ химиясы, яғни экономикаға күш беруге мүмкіндік беріп жатқан салаларды біз дамытуға басты назар аударуымыз керек.