Балалар құқығын қорғайтын арнайы кеңес құрылды

Ол көпбалалы отбасыларға жағдай жасау, жасөспірімдер арасындағы қылмысты жою, балалардың құқығын қорғауға атсалысады. Әр жиында айтылған бастамалар «Нұр Отан» партиясы, Үкімет пен жергілікті атқарушы органдарға жолданады. Өйткені бала құқығы, көпбалалы отбасылардың әлеуметтік жағдайы бір ғана партия емес, тұтас қоғамға ортақ. Партия өкілдері балалар құқығын қорғауға арналған арнайы портал ашпақ.

Айта кетейік, мұндай кеңес болашақта еліміздің барлық аймағында жұмыс істейді.

Мәулен Әшімбаев, «Нұр Отан» партиясы төрағасының бірінші орынбасары:

- Кеңестің басты мақсаты – балалардың құқығы мен мүддесін жан-жақты қорғап, олардың қажеттіліктерін қамтамасыз етуге көмектесу. Осы бағытта Үкіметпен, әкімдермен, мемлекеттік емес ұйымдармен бірлесіп жұмыс істейтін боламыз. Осы жұмыс тобының аясында нақты ұсыныстар, нақты мәселелер қаралып, ары қарай Елбасына баяндалып, жүзеге асады деп сенеміз.