Елбасының «Тәуелсіздік дәуірі» кітабы Бразилия оқырмандарына таныстырылды

Оған Бразилияның сенаторларынан бастап бизнес өкілдері, дипломаттар қатысты.

Салтанатқа жиналған қонақтар Елбасы туындысы көпшілік қауымға арналған құнды шығарма екенін атап өтті.

Айта кетейік, «Тәуелсіздік дәуірі» – португал тіліне аударылған алғашқы туынды. Жалпы Қазақстан мен Бразилия арасындағы ынтымақтастық жылдан жылға артып, екіжақты келісімшарттар да көбеюде. Олар ғылымнан бастап мәдениетке дейінгі саланы қамтиды.

Қайрат Саржанов, ҚР Бразилиядағы төтенше және өкілетті елшісі:

- Қазақстанның тәуелсіздік алғаннан бергі тарихты қаламына арқау еткен Елбасы туындысы жергілікті оқырмандар үшін құнды шығарма деп есептеймін. Өйткені олар осы кітаптан тұтас бір елдің, яғни Қазақстанның тарихын, ұстанымын танып біледі. Қазақ елінің бастамалары мен даму жолындағы қадамына сараптама жасай алады.