Жамбыл облысының Тұрар Рысқұлов ауданында музей түні өтті

Түнгі музейге кіру тегін. Келушілердің назарына Ұлы Жібек жолы мен көне Құлан қалашығының орнынан табылған сирек әрі бірегей заттар ұсынылды. Жұрт ғасырлар қойнауынан қалған қыш ыдыстар, көне қару-жарақтар мен тарихи бұйымдармен танысты. Сонымен қатар қайта жанданған тарихи тұлғалар мен жергілікті өнер адамдарының образын көріп, өткенге үңілді. Жалпы қазір аудандық музей қорында 9 мыңнан астам құнды жәдігер жиналған. Оның жартысына жуығы жергілікті халыққа тиесілі.

Эльмира Асылбекова, Құлан ауылының тұрғыны:

- Өте ұнады. Кейіпкерлері айнымайды. Біздің жергілікті жауынгер, сарбаздардың нағыз бейнесін көрсетіп отыр. Өте жоғары дәрежеде деп ойлаймын.

Эльдар Өтембаев, тарихи-өлкетану музейінің меңгерушісі:

- Қазба жұмыстары кезінде табылған дүниелер қазіргі таңда жастардың арасында қызығушылық туғызып отыр. «Музей саласына, қазба жұмыстарына барайық, біз де көрейік» дейтін жас көп. Өздерінің тапқан дүниелерін үйлерінде тұрған, болмаса ата-бабаларынан қалған дүниелерін біздің аудандық орталық музейге өткізушілер саны жылдан-жылға көбейіп келе жатыр.