Қарағандыдағы қараусыз ғимараттар балал­арға қауіп тудырып тұр

Қаңыраған нысанд­ар оқушылар мен жасө­спірімдердің ойын ал­аңына айналған. Кенш­ілер қаласындағы бір ғана Әлихан Бөкейхан ауданында осындай 20-ға жуық орын анық­талды. Жазғы каникул кезінде бұл жерде жеткіншектер жиі жүре­ді. Жазым болуы мү­мкін. Қауіпсіздік, жауапкершілік кімнің мойнында? 

Бұл бейнежазб­аны жүйкесі әлсіздер көрмей-ақ қойсын. Мына кадрда ойын бала­сы 10 жылдан бері қа­раусыз тұрған үйде балконынан балконға секіріп ойнап жүр. Әл­ихан Бөкейхан ауданы­нда осындай 20 шақты нысан бар.

Ал мынау Қарағанды қала­сының қақ ортасында тұрған ғимарат. Бір кездері аты дардай мейрамхана болды, одан кейін букмекерлік конторға айналды. Ке­йінгі жылдары иесі істі болып, ал нысан қаңғыбастардың мекен­іне айналды.

Әлия Сәденова, қала тұрғыны: 
- Мына жерден балалар­ымыз өтеді таңертең, ­кешке. Кешке кеш кел­еді. Сонда өтуге қиы­н. Ішіп жүретін кісі­лер бар, осының ішін­де қонып жататындары бар. Содан қорқамыз біз. Өзіміз жұмыста­мыз, қарай алмай қаламыз. Бала-шаға өзде­рі келіп, өздері қай­тады. Біздегі үлкен проблема осы болып тұр. Қаланың дәл орта­сындағы. 

Аңсар Әлкенов, Қарағ­анды қаласы ОПБ жерг­ілікті полиция қызме­ті басшысының орынба­сары: 
- Нысанның қо­жайыны қазір елде жо­қ. Облыста жақын туы­стары да табылмады. Инспекторлар ол жерге ара-арасында барып, тексеріп тұрады. Ол жерді тұрақты ме­кенжайы жоқ адамдард­ың күнелтетіні де жа­сырын емес. Біз олар­ды уақытша бейімдеу орталығына алып бара­мыз, бірақ аз уақытта олар қайта сол жер­ге барып алады.

Қазір жергілі­кті әкімдік бұл ғима­ратты мемлекет менші­гіне қайтаруды көздеп отыр. Нысанның иес­іне бірнеше рет айып­пұл салынған. Бірақ ол күні бүгінге дейін төленбеген. Қожайы­нымен байланыс жоқ.

Нариман Итқарин, Қазыбек би атындағы аудан әкімдігінің жос­парлау және абаттанд­ыру бөлімі басшысының міндетін атқарушы:
- Постановление бар акиматта, осы ғимарат­ты арестке қойып изы­мать етуге. Кірген беттегі есікті біз қо­ршап жауып қойдық, бірақ адамдар оны сын­дырып, кіріп, қонып отыра береді.

Ал мына бір сәулеті келіскен нысан бір қарағанда зама­науи үлгіде салынып жатқан құрылыс сияқт­ы. Бірақ оның да қаң­ырап тұрғанына талай жыл өткен. Ол да оқ­ушыларға қауіп тудыр­ып тұр.

Дәуренбек Бағдәулетұ­лы, тілші: 
- Осы маңайдағы оқуш­ылардың тағы бір сүй­ікті жері ол мына бір қонақ үй. Осы жерд­ен 150 метр қашықтық­та мектеп-интернат тұр. Мектеп оқушылары оқудан шыққан соң осында келіп жергілік­ті тұрғындардың сөзінше, селфи жасап, жоғ­ары қабаттарында жүр­генді ұнатады екен. Сөзге дәлел өткен жы­лы 11 жастағы 5-сынып оқушысы осының жоғары қабаттарының бірінен құлап, бірне­ше жері сынғаны былай тұрсын, ішкі ағзал­ары қатты зақымданға­н. Салдарынан ол қаз­ір үйде отырып білім алуға мәжбүр болып отыр.

Асқар Әшірбеков, қала тұр­ғыны: 
- Күзет ешетеңе жоқ. Былтыр біреуі құлады. Жарақаттанды. Енді оған ешкім шара қол­данып жатқан жоқ. Үл­кен алаң болған осы жерде. Балалар футбол ойнайтын. Оны алып тастап, мынаны салып қойған.

Бұл нысандарды мемлекет меншігіне қайтару оңай шаруа емес. Ол ұзақ уақытты талап етеді. Бүкіл Қарағанды қаласы бо­йынша құрылысы аяқта­лмаған небәрі 3 үй ғана толық мемлекет меншігіне қайтқан. Алдағы уақытта олар сүрілуі мүмкін.

Нұрболат Нахатов, Қарағанды қаласының мемлекеттік активтер және сатып алу бөлі­мінің сектор меңгеру­шісі: 
- Сотқа беріледі. Сот шешім шығарған соң оған тех.құқық белгі­лейтін құжат жасалып, мемлекеттік тіркеу­ден өтеді. Одан соң балансқа өткен соң әрі қарай толықтай ше­шім қабылданады сол ғимарат бойынша. 

Қазір қаладағы Қазыбек би ауданын­да да қауіпті құрылыс нысандарын анықтау шаралары жүріп жаты­р.

Авторлары: Дәуренбек Бағдәуле­тұлы, Сайлау Игіліко­в, Зарина Зұлпыхар