Қызылордада екі көпқабатты тұрғын үй қолданысқа берілді

Қызылордада 150 пәтерлі екі көпқабатты тұрғын үй қолданысқа берілді. Жаңа баспананың кілті үй кезегінде тұрған әлеуметтік аз қамтылған отбасыларға табысталды.

Биыл өңірде 1 мың 269 пәтерлі 67 тұрғын үй бой көтереді. Бұл мақсатқа 13 млрд теңгеден астам қаражат бөлінген. Аймақта жыл басынан бері 462 отбасы қоныстойын тойлады.

Сонымен қатар облыс орталығында спорт кешені ашылды. Аумағы 2 мың 700 шаршы метр екіқабатты ғимаратта бір мезетте 350 спортшы жаттыға алады. Мұнда футбол, баскетбол, волейбол, күрес, шахмат, тоғызқұмалақпен шұғылдануға барлық жағдай жасалған.

Мұрат Мұхамадиев, жаттықтырушы:
- Волейболда сондай стандарттар болады. Биіктігі, ұзындығы соның барлығы сәйкес, өте жақсы. Қазір бізде Қызылордада волейбол өте дамып жатыр. Біздің 2010-2011 жылғы қыздарымыз екі дүркін Қазақстанның чемпионы болды.