Байқаушылар: Жастар референдумда белсенділік танытты

Дауыс берушілер, әсіресе жастар референдумда белсенділік танытты. Азиядағы өзара іс-қимыл және сенім шаралары кеңесі байқаушыларының миссиясы референдумның барысын осылай бағалады. Олар сондай-ақ учаскелік комиссия мүшелерінің электорат, қоғамдық байқаушылар мен халықаралық байқаушыларға дауыс беру процесі жайлы ақпаратты егжей-тегжей түсіндіргеніне көңілі толғанын айтады. Бұл жер-жердегі референдум учаскелері комиссиясының жоғары дайындықтан өткенінен хабар береді. Сонымен бірге зағиптар мен мүмкіндігі шектеулі жандарға дауыс беру кабиналарында тиісті жағдай жасалғанын атап өтті.

Чжан Лин, АӨСШК Бас хатшысының орынбасары:

-Бізге дауыс берушілердің көбі учаскеге отбасымен келіп, дауыс бергені ерекше әсер етті. Тіпті кішкентай балаларын ертіп келген. Бюллетеньдерін салғаннан кейін, бала-шағасымен фотоға түсіп жатты. Бұл деген керемет емес пе? Дауыс берудің қалай өтетінін көрген балалар есейгенде мемлекеттік басқару процесіне белсенді қатысады.