Халық қаһарманы Р. Қошқарбаевтың туғанына 100 жыл
Рейхстагқа Жеңіс туын тіккен Халық қаһарманы Рақымжан Қошқарбаевтың туғанына 100 жыл. Қорғаныс министрлігінің ұйытқы болуымен әскери оқу орындары мен мектептерде бірыңғай сынып сағаты өтті. Онда оқушылар батырдың өмір жолы туралы деректі фильмді тамашалап, ұстаздарынан дәріс тыңдады. Мұндай шаралар өскелең ұрпақтың бойында тарихына деген құрмет пен Отанына деген махаббатты оятуға септігін тигізеді.
Кенжегүл Байқұлова, ұстаз:
- Балалардың бойында біз Отанына, жеріне, еліне деген патриоттық сезімді, осы кісілердің еңбектері, олардың ерліктері арқылы балаларға жеткіземіз. Балалар да сол атақты жауынгерлер сияқты өздерін де сол кісілері сияқты отандарына еңбек еткілері келеді.