16 маусымда Құрбан айт басталады

Ертең арапа, ал 16 маусымда Құрбан айт басталады. Елорданың барлық мешіттерінде мерекелік сипатта өтеді. Киіз үйлер тігіліп, алтыбақан құрылады, спорттық жарыстар ұйымдастырылады. Бас мүфти Наурызбай қажы Тағанұлы төрт түлік пен тамақ өнімдерінің бағасын шарықтатпауға шақырды. Биыл құрбандықты онлайн түрде де шалуға болады. Ол үшін kurban2024.kz сайты 18 маусымға дейін жұмыс істейді. Онда көрсетілген баға бір жастан асқан қой мен ешкі 70 мыңнан жоғары болса, ірі қара 350 мыңнан бастап, 600 мың теңгеге дейін барады.