Нұр-Сұлтан қаласында қалааралық көліктер қатынасына шектеу қойылды

Президент жанындағы мемлекеттік комиссия осындай шешім қабылдады.

Наурыздың 18-інен 19-ына қараған уақыттан бастап енгізілетін шаралар мыналарды қамтиды:

• Санитарилық-эпидемияға қарсы ауқымды іс-шаралар жүргізіледі;
• Карантин аймағының периметрлері белгіленеді;
• Адамдардың қозғалысына, көліктердің кіріп-шығуына шектеу қойылады;
• Ауруды жұқтырғандар, күдіктілер, карантиндегілердің санаты бойынша арнайы емдеу мекемелері үздіксіз жұмыс істейтін болады;
• Халық азық-түлікпен қамтылады;
• Қоғамдық көлік қозғалыстары күндіз шектеледі. Ал түнде жүрмейді;
• Ірі ойын-сауық орталықтары мен сауда үйлері уақытша жұмыс істемейді;
• Азық-түлік пен дәрі-дәрмек сататын нысандар ғана ашық болады;
• Халыққа қызмет көрсету орталықтарының жұмыс режимі қайта қаралады;
• Азық пен дәрілердің қоры тәулік бойы анықталып тұрады;
• Карантин кезінде бұдан басқа да шаралар қабылданбақ.