Мәжіліс пен мәслихаттар сайлауында шетелде жүрген қазақстандықтар да дауыс бере алады

19 наурызда 62 елде 77 учаске жұмыс істейді. Онда шетелде тұратын, қызмет бабымен немесе білім алып жүрген отандастастарымыз, сондай-ақ іскерлік және туристік мақсатпен барғандар да таңдау жасай алады. Дауыс беру жергілікті уақытпен таңғы сағат 7-ден кешкі 8-ге дейін жүреді. Бұл учаскелер Астананың Есіл ауданына қарасты болғандықтан, шет елдерде жүрген отандастарымыз партияларға ғана дауыс бере алады. Сайлау күні Ресейдегі қазақстандықтар 5 қалада дауыс береді. Учаскелік сайлау комиссиялары Омбы, Астрахан, Қазан және Санкт-Петербургтегі еліміздің Бас консулдықтарында, ал Мәскеуде елшілікте жұмыс істейді. 

Руслан Шаймағанбетов, сайлау учаскесінің хатшысы:
-ҚР азаматтары таңғы 7-ден кешкі 20-ға дейін дауыс бере алады. Қазіргі уақытта Мәскеу қаласы бойынша консулдық есепте 1500 адам тіркелген. Ресей аумағында болатын Қазақстан азаматтары да елшіліктің немесе консулдықтың сайтында тіркеле алады.