IT жүйесіндегі ақаудан әлемнің бірқатар елінде әуекомпаниялар жұмысы тұрып қалды
IT жүйелеріндегі ақаудан әлемнің бірқатар елдерінде әуекомпаниялар, теміржолдар, банктер мен ақпарат құралдарының жұмысы тұрып қалды. Ақауға Кроудстрайк антивирустік бағдарламасының жаңартылуы себеп болған. Жаңа нұсқасы Microsoft компютерлік жүйесімен үйлеспей қалды. Бүгін таңертең әуетасымалдаушы компаниялар және әуежайлардағы қосалқы қызметтердің компьютерлік жүйелері істен шыққандықтан, көптеген елдерде әуерейстерді ұшыртқан жоқ. Ұлыбританияда пойыздар қатынамай қалды. Скай Ньюс телекомпаниясының тікелей эфирі бір сағаттан артық уақытқа үзіліді. Лондон қор биржасында да іркіліс байқалды. Microsoft операциялық жүйесіндегі ақауды еліміздің Цифрлық даму министрлігі де бақылауда ұстап отыр. Қазіргі уақытта мемлекеттік IT-сервистердің жұмысында олқылық байқалған жоқ. Құзырлы ведомство өкілдері барлық ақпараттық инфрақұрылым қалыпты режимде жұмыс істеп жатқанын хабарлады.