Жезқазған жастары еңбек ардагерлерінің ауласын тазартты

Соңғы тәулікте өңірде толассыз қар жауып, күн райы бұзылып тұр. Сондықтан ерікті жастар қолдарына күректерін алып, он шақты үйдің ауласын ретке келтірді. Белсенді топ игі бастаманы көктемге дейін жалғастыруды жоспарлап отыр. Ол үшін ардагерлер ұйымымен бірлесіп, еңбекке жарамсыз жандар мен жалғызілікті қарттардың тізімін жасаған.

Жанұзақ Кенбаев, еңбек ардагері:

-Толассыз қар жауып жатыр еді, осыны өзім ойластырып, тек қана кіретін орындарды ғана, жолды ғана аршып жүргем. Енді міне, еріктілер қоғамы, жастардың ұйымы бар екен. Солар келіп қол ұшын беріп жатыр. Соған қуанып қалдым.

Сәкен Қайратұлы,  жастар ресурстық орталығының директоры:

- Қарды күреуге күші жетпейтін ардагерлеріміздің тізімін алып, жастар жиналып осы акцияға атсалысамыз деген ниетіміз болды. Өзіміз үшін керемет бір денемізді шынықтырып, аталарымыз бен әжелерімізден бата алып. Бұл акция біздің жастарды тәрбиелеуге қомақты үлес қосады деген ойдамын.