Гүлшара Әбдіқалықова көпбалалы отбасы және халықтың әлжуаз топтарымен кездесті

Құжатта отбасы мүшелерінің не нәрсеге мұқтаж екені көрсетіледі. Ал мемлекеттік органдар сол карта бойынша жұмыс істейді. Ақтөбе облысына жұмыс сапарымен барған Үкімет мүшелері Мемлекет басшысының жаңа әлеуметтік саясатын жан-жақты түсіндіріп, тағы қандай өзгерістер болатынын айтты. Вице-Премьер Гүлшара Әбдіқалықова бастаған Үкімет мүшелері бірнеше әлеуметтік нысанды аралады. Елімізде алғаш ашылған «Халықтық кеңсе» орталығының жұмысын көрді. Жобаның мақсаты – тұрғындарға бір терезе қағидасымен жедел қызмет көрсету.

Гүлшара Әбдіқалықова, ҚР Премьер-Министрінің орынбасары:

- Жаңа іс-шараларды өздеріңіз білесіздер. Алдағы 2-3 жылда осы әлеуметтік мәселелерге қосымша 2, 3 трлн теңге қаржы қаралып отыр. Басты бағыттар қандай? Бірінші бағыт – ең төменгі табысты көбейту мен ең мұқтаж отбасыларына қолдау көрсету.

Бердібек Сапарбаев, ҚР Еңбек және халықты әлеуметтік қорғау министрі:

- Ең кем дегенде бір млн-ға жуық бюджеттік қызметкерлердің жалақысы көбейетін болады. Олар – білім, денсаулық, мәдениет, спорт, одан кейін әлеуметтік салада жұмыс істейтін методистер, психолог, тәрбиеші, бухгалтерлер, медсестралар, санитаркалар мен тағы басқалары.