02:00Эфирде:ҚР Әнұраны
06:00 Әрі қарай: ҚР Әнұраны
+7 (7172) 757 540
astananews@khabar.kz

Мақтаарал ауданының 2 мыңнан астам тұрғыны эвакуациялық бекеттерде жатыр

  • Категория: Қоғам
Maktaaral
Maktaaral

 

Өйткені олар жаңа үйлері салынып біткенше тағы бір айдан астам уақыт сол жерді паналайды.

Жүздеген тонна азық-түлік, төсек-жабдық және өзге гигиеналық заттар – бірлігі бекем байтақ еліміздің түкпір-түкпірінен жиналған гуманитарлық көмек. Қазақстандықтар қажетті тауарды тау-тау болып үйіп тастағаны сонша 4 қойма салуға тура келген.

Бақытжан Әшірбаев, қойма жұмысшысы:

- Бүгінгі күнге 800 тоннаға жуық азық-түлік келген болса, қазір 400 тоннадан астам азық-түлік бар. Бұл – үйлеріне орналасқаннан кейін де тағы 2-3 ай беретін азық-түліктер эвакуациялық 10 орынға таратылады. Осы үлкен қоймадан азық-түлік алынып, сол кісілердің таңертең, түсте, кешке тамақтануы қамтамасыз етіліп жатыр.

Өңірде барлығы 10 эвакуациялық бекет жасақталған. Көбісі мектеп базасында. Ауылдастар, көрші-көлем, ағайын-туыс бір-бірінен ажырап қалмас үшін бір жерге шоғырландырылған.

Кемал Оспанов, Мақтаарал ауданының тұрғыны:

- Барлық жәрдем, жағдай жасалып жатыр. Үлкен кісілерді Шымкент жақтағы санаторияға жіберді. Немерелеріміз де сонда кетті. Жалпы жағдайымыз жақсы. Үкімет те, халық та көмек қолын созуда.

Жазғытұры Мақтааралда жаңа шағын аудан салынып бітеді. Мұнда Достық, Жаңатұрмыс және Жеңіс ауылдарының тұрғындары қоныстанады. Бастапқы жобада 500 үй бой көтеруі тиіс еді. Жуырда Үкімет басшысы Асқар Мамин құрылыс көлемін арттырып, жатақханада тұрып келгендердің де баспаналы болуын тапсырды.

Әбілсейіт Мұратов, мердігер мекеме өкілі:

- Құрылысты 10 мамыр күні бастағанбыз. Бүгінгі күнде құрылыс жақсы жүріп жатыр. Ешқандай проблема жоқ. Техника, адам саны жеткілікті. Құрылыс материалдары келіп жатыр. Айтылған мерзімге дейін бәрін орындаймыз деп ойлаймын.

Өргебас пен Фердоуси ауылдарының бірен-саран су алған үйлерін жөндеп береді немесе тұрғындардың өзге елді мекендерде салынған жаңа баспанаға көшуіне болады. Тілсіз жаудан зардап шеккендерге қаржылай көмек беру шарасы жалғасып жатыр.

Авторлары: Қамбар Бекенов, Рауль Ғабитов, Ерболат Әбішов