ШҚО-да 400 мыңнан астам тұрғын «Таза Қазақстан» іс-шарасына үлес қосып жатыр
Шығыс Қазақстан облысында 400 мыңнан астам тұрғын «Таза Қазақстан» іс-шарасына үлес қосып жатыр. Сәуір айының басынан бері өңірде 80 мыңға жуық аулада абаттандыру жұмысы жүріп, 26 мың тонна қоқыс шығарылған. Тек Глубокое ауданында еріктілер көмегімен тал-теректер егілген аллея тазартылды. Сондай-ақ бірнеше шақырым болатын аумақтың арам шөбі жұлынып, ағаштардың түбі мен аялдама сырланды. Іс-шараға отбасымен келіп, қатысқандар да бар.