Елімізде 12 мың шақырым автожол жөнделіп жатыр

Бұл - рекордтық көрсеткіш. Соның ішінде 8 мың шақырымға жуығы республикалық, ал 4 мың шақырымнан астамы жергілікті жол. Көлік министрінің айтуынша, биыл «Астана-Балқаш-Алматы», «Талдықорған-Өскемен», «Ақтөбе-Қандыағаш» және «Атырау-Астрахань» бағыттары бойынша жөндеу жұмыстары аяқталады. Оған қоса, Түркістан мен Жамбыл облыстарын жалғайтын «Шақпақ баба» асуындағы жерасты өткелі мен еліміздегі ең ұзын Бұқтырма көпірі қолданысқа беріледі.