Таразда «Эко LIFE» эстафетасы басталды
Тараздық жастар «Таза Қазақстан» экологиялық акциясы аясында «Эко LIFE» эстафетасын бастады. 150-ге жуық белсенді жас облыс орталығындағы «Көктем» алқабында тазалық жұмыстарын жүргізді. Жастар қураған шөптерді орып, алқапты қоқыстардан тазартты. Аталған акция барысында барлық ауданның жастары белгіленген орындарда тазалық жұмыстарын жүргізіп, эстафетаны келесі ауданға жолдайды. Осылайша жоба апта сайын әр ауданда өтеді.
Жалпы Жамбыл облысында «Таза Қазақстан» акциясы басталғалы тазалық жұмыстарына 700 мыңнан аса тұрғын қатысты.
Медет Нұрділләұлы, белсенді жас:
- «Эко LIFE» жастар акциясы Тараз қаласында біріші рет бастау алып жатыр. Бұл акция жыл соңына дейін әр ауданда өткізілу жоспарлануда. Осы мақсатта жастарға дәріптеу мақсатында «Эко LIFE» жастар акциясын Жамбыл ауданына жолдадық. Жамбыл ауданы әрмен қарай Сарысу, Жуалы аудандарына жолдайтын болады.