Жезқазғанда қоқысты балмұздаққа айырбастауға болады

Егер 5 пластик құтыны жинап апарсаңыз, орнына 2 балмұздаққа купон аласыз. Қалалық әкімдік пен «Жастар рухы» ұйымының бұл бастамасын кәсіпкерлер де қолдап отыр. Акция 1 қыркүйекке дейін жалғасады. 

Әділ Темоханов, қалалық ТҮКШ бөлімінің маманы:
-Балалар қауымы белсенділік танытып, қоқысты жинап, балмұздаққа айырбастап жатыр. Бүгінгі күнге дейін 2 рейс полигонға жіберілді. Арттағы бір күнде жиналған қоқыс. Акция әлі де жалғасады деп ойлап отырмыз.

Солтүстік Қазақстан облысында «Таза Қазақстан» телеграм чат-ботына бір айда 20-дан астам өтініш пен арыз-шағым түскен. Тұрғындар тазалыққа қатысты кез келген сұрағын телефон арқылы жолдауға дағдылана бастады.