АЭС салу – энергетикалық қауіпсіздікті күшейтудің тиімді жолы

Соңғы уақытта энергия тапшылығы туралы көп сөз қозғала басталды. Ал атом электр станциясын салу – энергетикалық қауіпсіздікті күшейтудің бірден бір жолы. Себебі көмір жағып, энергия өндіру – қоршаған ортаға кері әсерін тигізеді. Осы тұста сала мамандары елімізде қауіпсіз 3-ші деңгейдегі реакторларды салуды ұсынып отыр. Ал реактор ауаға зиян келтіретін лас қалдықтарды шығармайды, - дейді Дүниежүзілік ядролық қауымдастықтың вице-төрағасы Богдан Зронек.

Богдан Зронек, Дүниежүзілік ядролық қауымдастықтың вице-төрағасы:

- Әуелде инвестиция салу керек. Бірақ кейін электр энергиясының құны әлдеқайда төмендейді. Кез келген өнеркәсіп тоқпен жұмыс істейтіні анық. Оның бағасы арзандаған сайын өндірілетін тауардың бағасына да әсер етеді. Демек ел экономикасына серпін беріледі.