Референдум: учаске мекенжайын қайдан білуге болады?

Дауыс беруге қатысты ең жиі қойылатын сұрақтарға тоқтала кетейік. Учаске мекенжайын қайдан білуге болады? Бұл үшін «Egov.kz – электрондық үкімет» порталында «Жеке сәйкестендіру номері бойынша дауыс беру учаскесін іздеу» ақпараттық қызметін пайдалану қажет. Немесе байланыс операторлары жіберген смс-хаттағы call-орталыққа қоңырау шалып, білуге болады.

Одан бөлек, аумақтық референдум комиссиясынан тұрғылықты мекенжайыңызды хабарлау арқылы да дауыс беру учаскесін анықтай аласыз. Ал егер референдумға қатысушылардың тізімінде мекенжай дұрыс көрсетілмесе, міндетті түрде комиссияға хабарласқан жөн. Егер қате дауыс беру күніне дейін анықталса, өтініш бір тәулік ішінде қаралады. Ал дауыс беру күнінде 2 сағат ішінде қаралуға тиіс. Егер комиссия сіздің өтінішіңізді қанағаттандырудан бас тартса, комиссияға өзіңіз немесе учаскедегі байқаушылармен бірге шағым жасауға құқылысыз.