Абай облысында жиын-терін науқаны қарқынды жүріп жатыр

Биыл өңірде егін алқабы 4 мың гектарға ұлғайтылып, 750 мың гектар жерге дән себілді.

Абай облысында жиын-терін науқаны қарқынды жүріп жатыр. Биыл өңірде егін алқабы 4 мың гектарға ұлғайтылып, 750 мың гектар жерге дән себілді.

Юрий Винчюк 2013 жылдан егін шаруашылығымен айналысады. Ала жаздай алқапта еңбек етеді. Биыл 5800 гектар жерге өнім салған. Қазір астықты жинауға кірісіпті. Осы күзде 11 тоннадан астам өнім алуды жоспарлап отыр.

Юрий Винчук, Көкпекті ауданының тұрғыны:

- Биыл екі жаңа комбайн сатып алдық. Әр комбайн 24 млн теңге тұрады. Мемлекеттен алған көмектің арқасында осындай жаңа техникаларды алып жатырмыз. Бұған қоса өз қаражатымызға жаңа су шашатын техника сатып алдық.

Шаруа қожалығында 30-дан астам адам жұмыс істейді. Комбайыншы Ербол Тоқтарбаев техниканың қыр-сырын меңгерген. Таң ата алқапқа шығып, кеш қарайғанда бірақ қайтады. Биыл өңірде 32 мың гектар жерге күнбағыс егілген. Қазір өнім орылып, қоймаларға жөнелтіліп жатыр.

Ербол Тоқтарбаев, комбайншы:

- Қазір бізде астық жинау науқыны қарқынды жүріп жатыр. Барлық техникалар жаңа. Жұмыс істеуге қолайлы жағдай жасалған. Жалақымызды ай сайын уақытылы алып отырмыз. Биыл жақсы өнім жинаймыз деген сенімдемін.

Серік Байсеңгіров, аудандық кәсіпкерлік және ауыл шаруашылығы бөлімінің басшысы:

- 15-20 центнер гектардан алып отыр. Мұның барлығы минералды тыңайтқыштарды қолдану. Мемлекеттен көрсетіліп отырған көмектерді тиімді пайдалану. Сонымен қатар шаруашылықтарға ауа райының өте үлкен көмегі деп ойлаймын.

Биыл Көкпекті ауданы бойынша шамамен 90 мың гектар жерге егін егілді. Жазда ауа райы қолайлы болғандықтан мамандар 170 мың тоннадан астам өнім жиналады деп болжам жасап отыр. Өңірдегі диқандарға 9 мың тонна арзандатылған дизель отыны бөлінді. Қазір астықтың 70 пайызы жиналған.

Рүстем Қайратұлы,Медет Өмірханов