1,5 миллионға жуық қазақстандық қарыз ресімдеу мүмкіндігін бұғаттады

Елімізде азаматтар несие алуға өзіне өзі тыйым сала алады. Ол үшін «СТОП-несие» мүмкіндігін пайдалану жеткілікті.

Бүгінге дейін 1,5 миллионға жуық қазақстандық қарызды өздерінің сыртынан ресімдеу мүмкіндігін бұғаттады. Былтыр eGov.kz порталындағы банктік қарыздар мен микрокредиттерді шексіз мерзімге алудан ерікті түрде бас тарту қызметі жаңартылған болатын.

Сонымен қатар eGov Mobile мобильді қосымшасында «Несиелік және сақтандыру тарихының нұсқаулығы» іске қосылды. Оның көмегімен пайдаланушылар өздерінің несиелік және сақтандыру тарихын бақылай алады.  Балалардың қамқоршылары мен әрекетке қабілетсіз азаматтар үшін eGov.kz порталының көмегімен өз қамқорлықтарын емханаға тіркеуге мүмкіндік те бар. Бұл қызмет онлайн және қандастар үшін қолжетімді. Биыл басқа да қызметтер жаңартылып, қызметтер жасанды интеллект элементтерімен толықтырылады.