Биыл Астана күні қалай тойланады?

Осы сенбі, яғни 6 шілдеде елімізде Астана күні атап өтіледі. Мерекеге орай 100-ден астам іс-шара жоспарланған. Мәселен, 5 шілдеде Амфитеатрда «Аялаған Астана» гала-концерті өтеді. Ал 6 шілдеде EXPO алаңында Open Аir ашық аспан астындағы мерекелік концерті болады. Онда Ninety one, Orda, Raim, Sadraddin, Kalifarniya, Құрмаш Махан және басқа да әртістер ән шырқайды. Ал сағат 11-ден түскі 15:00-ге дейін қаланың 5 ауданында «Астана-жүрегім» атты концерт өтеді. Онда Досымжан Таңатаров, Гүлнұр Оразымбетова, Бауыржан Исаев пен басқа да отандық эстраданың жұлдыздары өнер көрсетеді. Елорда күніне ауқымды спорттық-бұқаралық іс-шаралар да жоспарланған. Атап айтсақ, «Жасай бер, жайна Астанам!», «Толағай», «Елорда кубогы» бәйгесі, үстел теннисінің чемпионы сынды тартысты сайыстар ұйымдастырылады. Ал мерекелік отшашудың орнына, биыл тағы да дрон шоу ұйымдыстырылады. Қала тұрғындары мен қонақтары оны 6 шілде күні EXPO аумағынан көре алады.