Күдіктіге үйқамақ түріндегі бұлтартпау шарасы қолданылды. Қазір қылмыстық іс бойынша тергеу амалдары жүргізілуде. Еске салайық, 30 мамыр күні Құлсары қаласында газ құю бекетінде жарылыс болып, 2 адам қаза тапқан. 14 адам жарақат алған еді.
Нұрболат Сұлтанов, Жылыой ауданы прокурорының міндетін атқарушы:
-Аталған дерек бойынша сезікті ретінде мекеме басшысы танылып, оған қатысты сотпен үйқамақ түрінде бұлтартпау шарасы қолданылды. Өзге ақпарат тергеу мүддесі үшін жариялауға жатпайды.
