Ж. Дайрабаев Орталық сайлау комиссиясына құжатын тапсырды
Яғни үміткер тексерудің келесі кезеңіне өтеді. Жигули Дайрабаев 1954 жылы туған. Тұрар Рысқұлов атындағы Қазақ ауыл шаруашылығы институтын агроном мамандығы бойынша бітірген. Бүгінде «Атамекен» Ұлттық кәсіпкерлер палатасы президиумы жанындағы агроөнеркәсіптік кешен комитетінің және Қазақстан фермерлер қауымдастығының төрағасы қызметін атқарады.
Жигули Дайрабаев, Қазақстан фермерлері одағының төрағасы:
- Құжаттың бәрі ескертусіз өз деңгейінде өтті. ОСК мүшелеріне рақметімді айтамын. Енді алдағы уақытта ОСК өтетін тиісті құжаттар бар екен. Оны уақытысымен кезінде өткіземіз. Толық тіркеуден өткеннен кейін емтихан тапсыратын түріміз бар. Осының бәрінен өтіп, ОСК маған мүмкіншілік беретін болса, ары қарай үгіт-насихат жұмысын қолға алып, елді мекендерді аралап, сайлаушылардан дауыс сұраймыз.