Қазақстандық семсершілер Азия біріншілігінде бақ сынайды. Спорт жаңалықтары

Олимпиада жақындаған сайын спортшылар дайындығына назар саламыз. Парижге қыдырып қайту үшін емес, жүлде алсақ деп бара жатқандардың бірі – семсершілер. Қыз-жігіттеріміз әлем мықтыларымен тең дәрежеде шайқасуға болатынын о баста түсінген. Бірде жолдары болмады, енді бірде сәттілік жетіскен жоқ. Осы жолы олжа салулары әбден мүмкін.

Алматыда Ганконг және қырғызстандық спортшылармен бірге дайындық жұмыстарын пысықтап алған семсершілер енді Кувейтте өтетін Азия біріншілігінде бақ сынап көреді. Олимпиада қарсаңындағы қара жарыста да жерлестеріміз аянып қалмаймыз деп отыр.