Париж - 2024: 11-ші жарыс күні. LIVE

Балуанымыз Демеу Жадыраев пен боксшымыз Назым Қызайбай жартылай финалда. Ал жеңіл атлет Нора Джеруто финалда бақ сынайды.

Франция астанасы Париж қаласында Олимпиада ойындары жалғасып жатыр. Жарыстың кезекті күні жерлестеріміз үшін сәтті басталды.

Серік Сәпиев, Олимпиада чемпионы:
- Назым қытайлық қызбен жұдырықтасады. Жерлесіміз жеңіске жетеді деп үміттенемін. Токио Олимпиадасында бокстан алтын жүлдеміз болған жоқ. Назым сол олқылықтың орнын толтырып, қалай да чемпион атануы керек. Сәттілік тілеймін! 

Нора Джеруто финалда бақ сынайды

Нора Джеруто, ұлттық құрама өкілі:

- Мен дәл осы жерде Қазақстанның атынан жарысқа шыққаным үшін қуаныштымын. Бұл - менің бірінші Олимпиадам. Өте бақыттымын. Жарыста жақсы жағымнан көріне алмаған сияқтымын. Ауыр болды. Енді финалдық жарысты күтеміз. Қолымнан келгеннің бәрін жасайтыныма сенімдімін.