Қазақстан әлем чемпионатының 1/8 финалында Португалиямен кездеседі
Футзалдан Қазақстан құрамасы әлем чемпионатының 1/8 финалында Португалиямен ойнайды. Біздің жігіттер топтық кезеңдегі соңғы турда Жаңа Зеландия қақпасына жауапсыз 10 доп соғып, плей-оффқа жолдама алды. Шәкіттері доп айырмасымен Испанияны алға жіберіп, екінші орынмен келесі айналымға шықты. Қазақстан мен Португалия арасындағы матч 26 қыркүйекте Өзбекстанның Әндіжан қаласында өтеді. Екі мықты бұған дейін 2021 жылғы әлем чемпионатының жартылай финалында кездескен болатын. Үш жыл бұрын португалдар пенальти сериясында жеңіске жетті. Финалда олар Аргентинадан айласын асырып, әлем чемпионы атанғаны белгілі. «Енді есе қайтаратын кез келді»,— дейді біздің жігіттер.