Әлем чемпионаты: Ержет Жарлықасын грек-рим күресінен финалға шықты

Ержет Жарлықасын грек-рим күресінен әлем чемпионатының финалына шықты. 63 келіге дейінгі салмақта белдескен қазақ балуаны алдымен поляк жігітін қапы қалдырды. Сосын француз спортшысын мерзімінен бұрын ұтты. Ержет жартылай финалда ресейлік Садық Лалаевты 8:0 есебімен тізе бүктірді. Енді ол финалда әзербайжандық Нихат Маммадалимен алтын медальді сарапқа салады. Күрес түрлерінен әлем біріншілігі Албания астанасы Тирана қаласында өтіп жатыр.