«Астана» Еуропадағы жорығын аяқтады. Спорт жаңалықтары
«Астана» биылдыққа Еуропадағы жорығын аяқтады. Григорий Бабаян баптайтын жігіттер кеше кипрлік «АПОЭЛ» командасымен кездескен еді. Сырт алаңда өткен матч тең нәтижемен аяқталды. Алдымен алаң иелері сапындағы Анастасиос Донис мергендігіндік танытып ойынның 57-ші минутында есеп ашқан болатын. Артынша «Астана» ойыншысы Кипрас Казуколовас таразы басын теңестірген. Одан кейін таблодағы көрсеткіш өзгермеді. Қорытынды есеп: 1:1. Қазақстандық команда топтық кезең нәтижесінде 5 ұпай ғана жинап, 28-ші сатысына жайғасты. Ал плей-оффқа алдыңғы 24 команда шығады.
Қазақстан футбол федерациясының ХХVІI кезектен тыс конференция жиыны өтті.
Іс-шара барысында федерацияның жаңа президенті сайланды. Қазақстан футбол федерациясының президенттігіне «Алматы облысының футбол қауымдастығы» атынан Алтай Даумов, «Ақмола облыстық футбол қауымдастығынан» әріптесіміз Ербол Қайыров және «Астана қаласы футбол федерациясы қауымдастығынан» Марат Омаровтар үміткер атанған еді. Жиынның ресми бөлігі аяқталған соң облыстық футбол қауымдастығы заңды тұлғалар бірлестігінің, футбол ұйымдарының және футбол мектептерінің өкілдері жаңа президентті сайлау үшін дауыс берді. Нәтижесінде қатысушылардың басым көпшілігі Марат Омаровтың кандидатурасын қолдаған. 36 жастағы жаңа басшы бұған дейін бәсекелестікті қорғау және дамыту агенттігінің төрағасы қызметін атқарған. Жаңа басшы журналистермен жүздесуді жаңа жылға жоспарласа керек бүгін сұхбат беруден бас тартыпты.
Қазақ спортының қара шаңырағына биыл - 80 жыл
Талай таланттың томағасын ыспырып топқа қосқан қазақ спортының қара шаңырағына биыл 80 жыл. Қасиетті оқу ордасының тарихы тереңде жатыр. Сонау 1944 жылы дене тәрбиесі институты болып құрылып, 1998 жылы Академия дәрежесін алған білім ордасынан 30-дан аса олимпиада чемпионы түлеп ұшқан. Әлем біріншіліктерінде, Универсиада ойындары мен халықаралық жарыстарда олжа салғандары қаншама. Білікті мамандардан тәлім алатын қыз-жігіттер бұл күндері де спорттың барлық биіктерін бағындырып жүр.
Қайрат Закирьянов, қазақ спорт және туризм академиясының президенті:
-Біз халықаралық студенттік спорт федерациясының шешімімен 2015 жылы әлемнің ең үздік оқу ордасы болдық. Бұл жайдан-жай келе салған дүние емес. Мұндай дәрежеге Францияның Сарбонна секілді беделді Университтері ие болған. Біздің академия студенттер спортына ғана емес ел спортының дамуына елеулі қосты. Әліде таланттарды тәрбиелеп тек қана спортта емес, білім саласы бойынша да биіктерді бағындырсақ дейміз.
Академияның 80 жылдық мерейтойына алыс жақыннан мәртебелі меймандар мен оқу ордасының түлектері және ел мақтаныштары жиналды. Бүгінгі таңда білім ордасында 4 мыңға жуық студент дәріс алады. Академия құрамында 3 факультет 11 кафедра және 2 ғылыми зерттеу институты бар. 150-ге жуық профессорлар мен ғылым докторлары, білікті ұстаздар дәріс береді. Мерейтой аясында студент спортшылар тағы бір игі бастаманың куәсі болды. Академия жанынан заманауи үлгідегі күрес залы ашылды. Енді бұл жерде еркін және грек-рим күресінің шеберлері ғана емес дзюдошылар да жаттыға алады. 80 жылда спорт және туризм академиясының жеткен жетістіктері жетіп артылады. Қазақ спортының қара шаңырағынан әлі талай саңлақтардың шығарына сеніміміз мол.
Авторы: Жандос Айтбайұлы